Dje u mbajt një takim vetëdijesues në kuadër të fushatës për parandalimin e trafikimit me njerëz, i organizuar nga Njësiti për të Drejtat e Njeriut në Komunën e Podujevës.
Takimin e hapi udhëheqësi i njësitit, Ahmet Ahmeti, i cili theksoi rëndësinë e vetëdijesimit të qytetarëve për parandalimin e kësaj dukurie dhe prezantoi aktivitetet që do të zhvillohen gjatë këtij muaji.
Në takim morën pjesë zyrtarë nga sektorë të ndryshëm komunalë dhe përfaqësues nga Qendra për Punë Sociale.
Mesazhi i kësaj fushate ishte: “Trafikimi prek të gjithë! Ta mbrojmë veten dhe fëmijët tanë!” Ndërsa
sllogani: “Mos hesht!”
Gjatë takimit u diskutua për bashkëpunimin dhe koordinimin e aktiviteteve që do të ndërmerren në vazhdim, me qëllim parandalimin dhe luftimin e trafikimit me njerëz.