Sektori i Hetimeve të Kryeqytetit, me autorizim nga prokuroria kompetente, ka kërkuar ndihmën e qytetarëve për sigurimin e informatave që do të ndihmonin në identifikimin e personit të dyshuar, i cili shfaqet në fotografinë e publikuar nga Policia.
Sipas njoftimit zyrtar, personi në fjalë dyshohet për përfshirje në veprën penale “Vjedhje”, ndërsa hetimet për rastin janë ende në zhvillim.
Policia e Kosovës u bën thirrje qytetarëve që posedojnë informacione relevante, të cilat mund të çojnë në identifikimin ose lokalizimin e të dyshuarit, që të kontaktojnë autoritetet përkatëse përmes numrit emergjent 192 ose në adresën elektronike [email protected].
Autoritetet vlerësojnë lartë bashkëpunimin me qytetarët, duke theksuar se kontributi i tyre është i rëndësishëm për parandalimin dhe zbardhjen e veprave penale.