Kërkojmë Ndihmë dhe pjesmarrje në – Aksionin e Madh në Fshatin Brainë
Të dashur bashkëfshatarë të Brainës,
si dhe të gjithë ata që dikur kanë jetuar këtu apo ndihen ende të lidhur me vendlindjen:
Rruga nga Orllane deri në Brainë është bërë shumë e rrezikshme – është mbuluar me degë, ferra dhe pemë, veçanërisht në kthesa, ku nuk shihet mirë dhe makinat dëmtohen.
Komuna nuk ka reaguar, prandaj na duhet ndihma e secilit prej jush!
E diel, 26 tetor 2025
Ora: 09:00
Vendi i takimit: Te shkolla e Brainës
Do të organizojmë një aksion të madh pastrimi dhe rregullimi:
Pastrim i rrugës në të dy anët (rreth 6 km)
Pastrim i kanaleve anës rrugës për ujërat e shiut
Heqje e ferrave, shkurreve dhe degëve që pengojnë qarkullimin
Rregullim për shumë vite përpara
I lusim të gjithë pronarët që kanë tokë ose oborre përgjatë rrugës ti pastrojn pjest e veta ose të na lejojnë të presim degët, pemët dhe pengesat, madje edhe të punojmë me traktor dhe eskavator aty ku është e nevojshme.
Ky është një aksion për sigurinë, pastërtinë dhe bashkimin e fshatit tonë.
Çdo dorë ndihmon – kushdo që mundet, le të vijë!
Të tregojmë që Brainë bashkohet dhe vepron bashkë!, shkruanë në facebook Fshati Brainë