Kompania e ujësjellësit ka njoftuar për një rënie të theksuar të nivelit të ujit në dy liqenet akumuluese kryesore, Batllavë dhe Badoc, të cilat furnizojnë me ujë të pijshëm një pjesë të madhe të zonës së shërbimit.
Sipas të dhënave të fundit:
• Liqeni i Batllavës gjendet –4.00 metra nën nivelin maksimal të mbushjes.
• Liqeni i Badocit ka arritur në –6.45 metra nën nivelin maksimal të mbushjes.
Këto shifra paraqesin një situatë shqetësuese, duke sinjalizuar rrezik potencial për stabilitetin e furnizimit me ujë nëse trendi i rënies vazhdon.
Autoritetet u bëjnë thirrje konsumatorëve të tregojnë kujdes dhe të përdorin ujin me kursim, ndërsa vazhdojnë monitorimin e gjendjes në terren.