Komisioni Përzgjedhës i Komunës së Podujevës ka publikuar rezultatet e testit me shkrim për pozitën Mësimdhënës/e për lëndën e Matematikës, sipas konkursit të shpallur më 14 nëntor 2025. Testi është mbajtur më 27 nëntor 2025 në Sallën e Kuvendit të Komunës, ku kandidatët pjesëmarrës kanë demonstruar njohuritë dhe aftësitë e tyre profesionale.
Sipas të dhënave zyrtare, tre kandidatë kanë kaluar pragun prej 50% dhe fituan të drejtën për të vazhduar në fazën e intervistës:
- Elisa Blakçori – 71 pikë (intervistë në ora 10:50)
- Laura Tahiri – 60 pikë (intervistë në ora 10:55)
- Majlinda Emini – 50 pikë (intervistë në ora 11:00)
Ndërkohë, dy kandidatë nuk arritën ta kalojnë pragun e kërkuar prej 50% të pikëve totale:
- Pajtìm Llugaliu – 47 pikë
- Rrezarta Ramadani – 39 pikë
Komisioni ka theksuar se vetëm kandidatët që kanë arritur së paku gjysmën e pikëve janë të ftuar në intervistën me gojë, e cila do të zhvillohet më 5 dhjetor 2025 (e premte) në Sallën e Kuvendit Komunal, sipas orareve të caktuara.
Po ashtu, në njoftim rikujtohet se kandidatët që nuk janë të kënaqur me rezultatin e tyre kanë të drejtë ankese brenda tre ditëve nga publikimi.
Ky proces vlerësimi shënon një hap të rëndësishëm drejt përzgjedhjes së kuadrit të ri arsimor, duke synuar transparencë dhe profesionalizëm në rekrutimin e mësimdhënësve të Matematikës në shkollat e Podujevës.